ШҚО курсанттары таулы орманды жерлерде іздестіру жұмыстарын үйренуде (Фото)

Глубокое ауданының ең көрікті аймағы – Сержиха ауылы  жиындарды өткізу орны болып себепсіз таңдалған жоқ, яғни бұл жердің өзендері, таулары, ормандары құтқарушыларға қажетті және күрделі элементтерді пысықтау үшін көмектесті. 

Өскемен, Риддер, Зырян, Семей қалаларының мамандандырылған  өрт сөндіру бөлімдерінен 11 адам  жергілікті жерде бағдарлану, зардап шегушіні әр түрлі тәсілдермен тасымалдау, таулы өзендер арқылы өткелдер ұйымдастыру, таулардағы жүріс-тұрыс негіздері бойынша бір айлық теориялық дайындықтан кейін сынақ тапсырды.

Барлық курсанттар «Слияние» шыңына – Сержиха және Таулы Үлбі екі таулы өзендерінің қосылысында орналасқан ауданның ең биік нүктесіне шығуды орындады. Бағыт күрделі болған жоқ, бірақ қажетті дағдыларды қолдануды және ерекше назар аударуды талап етті.

Кәсіби құтқарушылар барлық белгіленген мақсаттың дұрыс орындалуын және қауіпсіздігін қадағалап отырды. 

Бұл жиындарға адамдармен қатар Шығыс Қазақстан облысы Төтенше жағдайлар департаментінің қызметіндегі жас иттер «курсанттар» ретінде қатысты. Олар тыңдау қабілетіне, таулы өзен арқылы өтуге және ең бастысы орманда жоғалған адамдарды іздеуді үйренді. Кинологтар өздерінің асырандыларының нәтижесіне риза болды.

Аптаның соңында білімдері расталып, барлық курсанттар сынақтан өтті.