ҚР-ның негізгі зейнетақысы жаңа әдіспен беріледі – депутат

23 Шілде, 2015 10:23

Қазақстандағы негізгі зейнетақы жаңа әдіс бойынша таратылуы мүмкін. Зейнетақы реформасы туралы ҚР Парламент Мәжілісінің депутаты Светлана Ферхо Өскеменде «УМЗ» АҚ ұжымымен кездесу барысында айтты, деп хабарлады ШҚО ақпараттық орталығы.

ҚР Парламент Мәжілісінде заңнамалық қызмет Елбасының анықтауы бойынша 2 қыркүйекте басталады. Оған сот-құқықтық саладағы реформа, кәсіпкерлік, әлеуметтік жәрдемақы мен зейнетақыға байланысты мәселелер жатады.

Әлеуметтік салада барлық жасты қамтитын « Ең төменгі әлеуметтік стандарт пен кепілдік туралы» Заңы қабылданған болатын. Онда ең төменгі әлеуметтік стандарттар: еңбек, әлеуметтік қамту, білім беру, отбасы, денсаулық сақтау, мәдениет, дене шынықтыру, мемлекет көрсететін заңды көмек салалары бойынша ажыратылады.

«Әлемде дағдарыс болып жатқанына қарамастан Елбасы халықтың өмір сүру деңгейін жақсартатын заңдарға қол қоюда. Қазіргі таңда Президенттің қол қойылуында «Зейнетақымен қамту туралы» заң жатыр», - деді С.Ферхо.

Айта кетерлігі, 5 шақырылымның 4-ші сессиясы депутаттық корпусының жұмысы өте сәтті аяқталды. 184 заңның 113-і Сенатқа жіберілді.