ҚР Энергетика министрлігі «жасыл» техгнологияларды қолдау мақсатында байқау жариялайды

Байқаудың мақсаты – жекелеген компаниялар мен инвесторларды «жасыл» технологиялар мен инновацияларға ынталандыру. Байқауды өткізу барысында негізгі мақсаттар экологиялық қауіпсіз технологияларды пайдалану, нарықтың мүмкіндіктерін зерделеу, «жасыл» жобалардың қызметін насихаттау болып табылады.  

Байқауға қатысу үшін байқау сайтында тіркеуден өтіп, қатысушының анкетасын толтыру, жобаны сайтқа орналастырып немесе оның мекен-жайын көрсету керек. Одан әрі өзіңіздің аты-жөніңізді тіркелген қатысушылардың арасынан тауып алу керек. Байқауды ұйымдастырушылардың бірі Қазақстан Республикасының Энергетика министрлігі, жұмыстың тиімділігін арттыру үшін жұмыс және сарапшылық тобы құрылған. Жұмыс тобы министрлік пен серіктес ұйымдардың өкілдерінен құрылған. Ол байқауды ұйымдастыру үшін құрылған.    

Сарапшылар тобы байқауды ұйымдастырушылар мен осы саладағы сарапшылардан, үкіметтік емес ұйымдардың, жетекші оқу орындарының ұстаздарынан тұрады және ол алдын ала таңдау, талдау және бағалау жұмыстарын ұйымдастыру үшін құрылған.

Жобаларды қабылдау 30-қазаннан, оларды өңдеу 1-қарашадан басталады. 25-қараша мен 10-желтоқсан аралығында өтетін сарапшылар кеңесінің мәжілісінен соң байқаудың қорытындысы шығарылады.      

Айта кетейік, аталмыш шара ең сәтті деген «жасыл» жобаларды Қазақстан аймағында жүзеге асыру үшін маңызды болып табылады. «Жасыл» жобалар жеке иеліктегі ұйымдар мен кәсіпорындарды дамыту үшін маңызды және олар экологиялық көрсеткіштерді жоғарылатуға, энергия мен ресурстардың тиімділігін пайдалануға, қалдықтарды азайтуға ықпал етеді.