Ақтөбе қаласында «СТЕПНОЙ АККОРД-2015» IV Ақтөбелік Халықаралық авторлық бард әндерінің фестивалі өтті

23 Шілде, 2015 08:36

Ақтөбе қаласы әкімдігінің қолдауымен «Ақтөбе қалалық мәдениет және тілдерді дамыту бөлімі» ММ мен қалалық мәдениет Үйі 2015 жылғы 17-19 шілде аралығында Ұлы Отан Соғысындағы Жеңістің 70 жылдығына орай «СТЕПНОЙ АККОРД-2015» IV Ақтөбелік Халықаралық авторлық бард әндерінің фестивалін өткізді, деп хабарлады облыстың ішкі саясат басқармасы.

Дәстүрлі түрде шілде айында төртінші жыл қатарынан фестиваль алаңы табиғат аясында белсенді демалысты қолдаушылар мен авторлық әндердің сүйікті тыңдармандарын жинады.

Фестивальдің басты мақсаты - жастардың бойында патриоттық сезімді және отанға деген сүйіспеншілікті үздік мәдени дәстүрлер мен авторлық әндер шығармашылығы арқылы тәрбиелеу, дамыту.

Қазылар алқасының құрамында талантты авторлар мен орындаушылар, құрметті қонақтар болды: Павел Фахртдинов, (Мәскеу қ.), Максат Сарсенбеков, (Астана қ.), Гульзада Бейсембаева, (Астана қ.), Владимир Тиньгаев, (Байқоңыр қ.), Виктор Калачёв, (Кувандык қ.), Дмитрий Ананьев, (Оренбург қ.), Айрат Гузаиров, (Оренбург қ.), Фарит Сахабутдинов, (Алматы қ.), Ирина Лобода, (Алматы қ.), және де Ресей Федерациясының (Кувандык, Орск, Новотроицк, Екатеринбург, Москва) мен Қазақстан (Астана, Алматы, Орал, Байқоныр, Жезқазған, Екібастұз, Ақтөбе) қалаларының шығармашылық ұжымдары мен бард клубтары қатысты.

Фестиваль қорытындысы бойынша қатысушыларға алғыс хаттар мен дипломдар табысталды.

Барлық жаңалықтар