ШҚО-да ағаш өнеркәсібі кешенін дамыту бағдарламасы дайындалуда
22 Шілде, 2015 17:28
ШҚО әкімі Даниал Ахметов ағаш өнеркәсібі кешенін дамыту бағдарламасын дайындаумен айналысатын жұмыс тобының есебін тыңдады, деп хабарлады облыс әкімдігі.
Жұмыс тобының мүшелері облыс әкімін Шығыс Қазақстан облысындағы 2015 – 2020 жылдарға арналған ағаш және ағаш өңдеу өнеркәсібін дамыту жобасымен таныстырды.
Арнайы дайындалған жоспарда облыстың ағаш өнеркәсінің ресурстары, өңделген өнімнің экспортталатын елдер қатары, орман шаруашылығының техникалық және технологиялық жағдайы ескерілген.
Бүгінгі таңда орман шаруашылығы мен ағаш өңдеу өнеркәсібімен айналысатын арнайы консалтингтік компания қажет құжаттарды дайындау үстінде.
Нақты жоспардың дұрыс жасалуы мен орындалуы ағаш өндірісінің дамуының басты көрсеткіші болмақ, яғни экономикалық жағдайға тікелей әсер етпек.
