Алматы қаласының 1000 жылдығын тойлау ЮНЕСКО-ның мерейлі мерекелерінің қатарына қосылды – ҚР МСМ
22 Шілде, 2015 12:38
Алматы қаласының 1000 жылдығын тойлау ЮНЕСКО-ның мерейлі мерекелерінің қатарына қосылды, деді ОКҚ брифингінде ҚР Ұлттық ғылым академиясының академигі, тарихи ғылымдардың докторы Карл Байпақов.
«Мен өте маңызды оқиға туралы айтқым келеді. Ол ЮНЕСКО-ның мерейлі мерекелерінің қатарына Алматының 1000 жылдық мерейтойының енуі. Алматыны баяғыдан білесіздер ол 150 жылдық емес. Оның тарихы Верный боп аталғаннан басталады. Алматыға – 1000 жыл, бұл үлкен тарих», - деді К.Байпақов.
Сарапшы атап өткендей, Алматы турситік Меккеге айналуы керек, Түркістан, Отырар және Сауран қалалары сияқты.
Сондай-ақ, ҚР МСМ мәліметі бойынша, халықаралық деңгейдегі ірі жоба болып 2015 жылы Алматыда ЮНЕСКО ұранымен мәдениетті жақындастыру орталығының ашылуы болады.
Ботагөз Айтжанова
