• Басты
  • ҚР МСМ Қазақстанның электронды энциклопедиясын дайындауда
22 Шілде, 2015 11:36

ҚР МСМ Қазақстанның электронды энциклопедиясын дайындауда

Мәдениет саласындағы институционалды реформаларды жүзеге асырудағы маңызды жобалардың бірі Қазақстанның электронды энциклопедиясы болады, аталған бағдарлама Қазақстанды дамытудың болашақ жоспарлары мен еліміздің бүкіл тарихын табуға мүмкінік береді, деді Мәдениет және спорт министрі Арыстанбек Мұхамедиұлы ОКҚ-де өткен баспасөз мәслихатында.
ҚР МСМ Қазақстанның электронды энциклопедиясын дайындауда

«Қазақстанның электронды энциклопедиясы маңызды жоба. Бұл Қазақстанның болашақ дамуы мен бүкіл тарихын табуға болатын теңдессіз бағдарлама. Бұл мәселе әсіресе, бүкілқазақстандық мәдениетті паш ететін ЭКСПО-2017 көрмесінің қарсаңында ерекше маңызды болмақ, ол үшін біздің министрлік өкілдері арнайы жоспар дайындап қойды. Бүкілқазақстандық мәдениетті таныстырудың арнайы тақырыптары ретінде Қазақстанның әлемдегі геосаяси рөлін ашатын айқын да ашық бағыт таңдап алынды»,-деді А.Мұхамедиұлы.     

Министрдің сөзінше, ЭКСПО-2017 көрмесі мен Астананы қаржы орталығы ретінде дамыту перспективасы елорданың заманға сай мәдени-туристік кластері мен «Астананы Еуразияның жүрегі» ретінде бүкіл әлем танитын бренд қалыптастыруға қажетті мәдени инфрақұрылымды дамытуға тың жаңа серпін бермек.  

«Халықаралық деңгейдегі ірі жобалардың бірі 2015 жылы Алматыда ЮНЕСКО-ның қолдауымен өтетін мәдениеттерді жақындастыру орталығы болады. Бұған қоса, венециялық биенналде алғаш рет ресми қазақстандық павильон ұйымдастырылатын болады»,-деді А.Мұхамедиұлы.  

Ботагөз Айтжанова

 

Барлық жаңалықтар