Жоғарғы соттың басым қызметі – біркелкі сот тәжірибесін құру

22 Шілде, 2015 10:37

Қазақстанның Жоғарғы сотында 2015 жылдың жарты жылдық жұмыс қорытындысына арналған кеңейтілген отырыс өтуде. Жоғарғы соттың басым қызметі – біркелкі сот тәжірибесін құру ,деді Жоғарғы сот судьясы, Сот жүйесін жаңғырту бойынша ұлттық комиссия тобының мүшесі Ақылтай Касимов.

«Бұл жарты жыл ішінде біздің елдің сот жүйесінде ауқымды жұмыс жүргізілді. Оның ішінде біркелкі сот құру тәжірибесі азаматтық, әкімшілік, қылмыстық істерді қарау бойынша жүргізілді. Біркелкі сот жүйесін құру Жоғарғы сот басшысы Қайрат Мәмидің қарауында болды. Бұл ел бойынша заңдарды қолданудың сот тәжірибесі біркелкі болуы үшін жасалды. Қоғам шынымен де біркелкі сот тәжірибесін енгізуден жақсы нәтиже күтеді», - деді А.Касимов.

Оның айтуынша, ол үшін жарты жыл сайын облыстық соттардың, Жоғарғы соттың қатысуымен кеңес өткізіліп отырады.

«Ол үшін республика бойынша жұмыс жүргізіледі, алдымен облыстық соттарда, одан кейін Жоғарғы соттың әр судьясы бұл тәжірибені қолданды. Қорытындысында бұл жұмыстың аздап кемшіліктері де байқалды. Ол туралы бүгін әңгіме өрбиді. Облыстық сот өкілдері заң бойынша қатал тапсырма беріледі, елдің әр ауданында заңдық біркелілік сақталуы тиіс», - деді ол.

Анар Тәңірқұлова

Барлық жаңалықтар