ЕЭК пен Армения өнеркәсіп және ауыл шаруашылығы өнеркәсібі саласындағы ынтымақтастық мәселесін талқылады

22 Шілде, 2015 15:21

Ереванда Еуразиялық экономикалық комиссияның Өнеркәсіп және ауыл шаруашылығы өнеркәсібі министрі Сергей Сидорский мен Армения Премьер-Министрі Овик Абраамян Еуразиялық экономикалық одағына (ЕАЭО) мүше мемлекеттердің өнеркәсіп және ауыл шаруашылығы мен аталмыш салаларды халықаралық ұйым аясында дамытудағы ынтымақтастықтың тиімділігін арттыру мәселелерін талқылады, деп хабарлайды ЕЭК-ның баспасөз қызметі.

Кездесу барысында сонымен қатар, одақ аясындағы өнеркәсіп және агроөнеркәсіп салалары бойынша ынтымақтастық мәселесі, Арменияның ЕАЭО елдерімен байланысын тереңдету, осы уақытта дайындалып жатқан өнеркәсіп ынтымақтастығы саласындағы басым бағыттар негізінде ұлттық өнеркәсіп саясаттары мен одақ аясында келісілген өнеркәсіп саясатына көшудің аспектілері сөз болды.

«Армения кәсіпорындарын өнеркәсіп және ауыл шаруашылығы кооперациясы мен импорталмастыру ісіне тарту, сонымен қатар армениялық кәсіпкерлер үшін осы бағыттағы кедергілерді барынша жою, бұл елге Еуразиялық экономикалық одаққа мүше болудың экономикалық серпінін сезінуге ықпал етеді»,-деді С.Сидорский.

Бұған қоса, С.Сидорский Ереванның бірқатар өнеркәсіп кәсіпорындарын аралады. Ол армениялықтардың ЕАЭО аясындағы жұмыстарымен және Армения кәсіпорындарының ұйымға мүше елдермен сауда байланыстары кезінде пайда болған проблемалық мәселелермен танысты.

ЕЭК министрінің айтуынша, комиссияның өнеркәсіп және агроөнеркәсіп блогына қиындық тудырып отырған жағдайларды тұрақты талдап отыру керек. Өз кезегінде бұл шара мәселенің туындау себебін анықтауға ықпал етіп, тығырықтан шығу үшін қажетті шарттарды қалыптастыруға пайдасын тигізеді.

Барлық жаңалықтар