Жыл басынан бері СҚО-да шетелдіктерге елімізде жұмыс істеуі үшін 960 рұқсат қағазы берілген

22 Шілде, 2015 13:09

2015 жылдың басынан бері Солтүстік Қазақстан облыстық Ішкі істер департаментінің көші-қон полициясының өкілдері шетелдіктердің еліміздің аймағында жұмыс істеуі үшін қажетті 960 рұқсат қағазын берген, деп хабарлайды ведомствоның баспасөз қызметі.

Шетелдіктердің айтуларынша, оларды Қазақстандағы жұмыс шарттары мен жалақы мөлшері қанағаттандырады.

Естеріңізге сала кетейік, 2014 жылдың 12-сәуірінен бастап, «ҚР кейбір заңнамалық акітлеріне еңбек көші-қоны мәселелері бойынша өзгерістер мен толықтырулар енгізу туралы» заңы күшіне енді. Аталмыш құжатта еліміздің аймағында жұмыс істеп, пайда тапқылары келетін шетелдік азаматтарға рұқсат беру шаралары жеңілдетілген.

СҚО ІІД-нің Көші-қон полициясы басқармасы бастығының орынбасары Бауыржан Сәдуақасовтың айтуынша, шетелдіктерге берілген 960 рұқсат қағазының 105-і әйел азаматтарға, 855-і ер азаматтарға тиесілі екен. Рұқсаттардың басым көпшілігі өзбекстандықтарға – 600, әзірбайжандықтарға - 184, тәжіктерге - 154, қырғыздарға – 39 және Грузия азаматтарына – 9 берілген.

Барлық жаңалықтар