Көкшетаулықтар үшін Қопа көлінің жағалауы ерекше құлпырады
22 Шілде, 2015 10:08
Көкшетау тұрғындары үшін Қопа көлінің жағалауы ерекше құлпырады, деп хабарлады облыс әкімдігінің баспасөз қызметі.
Шілденің аптап ыстық күндері Көкшетау қаласының тұрғындары мен қала қонақтары Қопа көлінің жағалауына барып дем алғанды ұнатады. Өйткені бұл жер қаланың ең көрікті әрі демалысқа ыңғайлы жері.
Бүгінде жағажай маңына қоқыс контейнерлері орнытылып, құм кешен аумағы кеңейтілген. Абаттандыру жұмыстары жалғасуда. Жалпы жағажай салу жұмысының жоспары 70 пайызға орындалған. Бұл жердің жарықтандырылуын сәулелі диодты жүйеге ауыстыру жоспарлануда.
Жағажай аумағын құлпырту жұмыстарына жергілікті кәсіпкерлер де құлшына кірісуде. Болашақта осы жерде 18 орындық қонақ үй салу жоспарлануда. Бүгінде ол үшін қажетті техникалық материалдар әкелініп жатыр. Мұнда қосымша бақ және спорттық іс-шаралар ұйымдастырылатын орындар да салынады.
