Ақмола облысында ведомстволық құтқару бекеті ашылды
22 Шілде, 2015 09:23
Бурабай ауданында «Оқжетпес» Емдеу-сауықтыру кешеннің және «Зеленый-Бор» шипажайының базасында ведомстволық құтқару бекеті ашылды, деп хабарлады облыстық ТЖД.
«Оқжетпес» шипажайының сегіз қызметкері және «Зеленый-Бор» шипажайының үш қызметкері 2015 жылдың маусым айының 16 мен 30 аралығында құтқарушы дайындаудың теориялық курстарынан өтіп, суда зардап шеккендерге көмек көрсетудің практикалық дағдыларына үйренді. Бурабайдың және Щучьенің құтқару бөлімшелерінде құтқарушылар құтқару құралдарын тиімді пайдалануды және еспелі қайықты жүргізуді игерді.
Құтқарушылар курстарын бітіргені туралы куәлікті Жедел-құтқару жасағы басшының жедел жұмыстар жөніндегі орынбасары М.Т. Бөрібаев тапсырды.
