Қазақстандық әскери дәрігерлердің штаты жас мамандармен толықтырылды (Фото)

22 Шілде, 2015 08:51

Қазақстандық әскери дәрігерлердің қатары жас мамандармен толықты. «Астана» өңірлік қолбасшылығына қарасты «Спасск» оқу-жаттығу орталығында Қарағанды медициналық университеті оқу ротасының 60 курсанты салтанатты түрде әскери ант қабылдады, деп хабарлады Қорғаныс министрлігі.

Олар әскери анттың мәтінін оқып, осы сәттен бастап «лейтенант» әскери атағында Қазақстан Республикасы Қарулы Күштерінің қатарына ресми түрде кірді.

«Қазақстан Республикасының Қарулы Күштеріне кіруге бел буған азаматтар әскери ант қабылдайды және Отанына, халқына және Елбасымызға серт береді. Бүгін барлықтарыңыз үлкен жауапкершілік артып, туған елдеріне адалдықпен, абырой және батылдықпен қызмет етуге уәде бердіңдер. Әскери ант қабылдау әрбір бозбаланың өміріндегі маңызды сәті. Еліміздің қайсар, әрі бетке ұстар қорғаушылары болыңдар, ата-аналарың мен туған-туысқандарыңның үкілеген үмітін ақтаңдар», - деді жоғары оқу орны әскери кафедрасының бастығы медициналық қызметінің полковнигі А. Мұхаметжанов.

Жас жеткіншектердің көбісі өздерін Қазақстан Қарулы Күштерінің қатарында көретіндерін атап өтті. Жақын арада отандық әскери медицина мен жалпы қазақстандық армияның дамуына үлес қосу үшін еліміздің әскери медициналық мекемелеріне аттануды жоспарлар отыр.

Барлық жаңалықтар