ЕЭК министрі Т.Валовая ҚХР-мен ынтымақтастық мәселелерін сөз етті
21 Шілде, 2015 18:59
Еуразиялық экономикалық комиссияның Ықпалдастық пен макроэкономиканың негізгі бағыттары бойынша алқасының мүшесі Татьяна Валовая Бейжіңде Қытай Халық Республикасының атқарушы билік органдары мен сарапшылық қоғамдастығының өкілдерімен жүздесті, кездесу барысында Қытай Халық Республикасымен одан әрі ынтымақтастық мәселесі сөз болды, деп хабарлайды комиссияның баспасөз қызметі.
Сапар барысында ЕЭК-ның министрі Қытайдың халықаралық проблемалар академиясының сарапшылар қоғамдастығының өкілдерімен, Мемлекеттік реформаларды дамыту комитетінің төрағасы Хэ Лифэнмен, сондай-ақ Сыртқы істер минстрінің орынбасары Чэн Гопинмен кездесті.
Кездесу барысында Т.Валовая еуразиялық ықпалдастық пен Еуразиялық экономикалық одақтың құрылу тарихы туралы айтып берді. Әріптестерін ЕАЭО-тың институционалдық құрылымы мен келісілген, немесе үйлестірілген саясат қолданылатын салалардың тізімі қызықтырды.
ҚХР өкілдері Еуразиялық экономикалық комиссия жүргізіп отырған ынтымақтастықтың маңызды екендігін атап өтті және ҚХР өкілдерінің де Еуразиялық экономикалық одақпен диалогты нығайтуға бейіл екендіктерін білдірді.
