ҚР Инвестициялар және даму министрі Марубени басшылығымен кездесті

 Тараптар екі елдің ынтымақтастығының ықтимал салаларын және Марубенидің Қазақстандағы жаңа жобаларының перспективаларын талқылады.

Әсет Исекешев өзінің әріптесін елде 5 институционалдық реформалар басталғаны  және осы жоспардың басымдықтарының бірі ретінде бірлескен кәсіпорындар құру туралы хабардар етті. Осыған байланысты, ол Марубенидің басшылығына жоағары технологиялар мен өңдеуші өнеркәсіп саласында жобаларды іске асыру мүмкіндігін қарастыруды ұсынды.

Өз кезегінде, Мичихико Ота Корпорацияның Қазақстандағы соңғы жыл ішіндегі қызметі туралы айтып, ынтымақтастықтың кеңейтілетініне мүдделі екенін білдірді.

Осыған байланысты, тараптар биылғы жылы екі елдің іскерлік топтарының қатысуымен бизнес-форум ұйымдастыру қажеттігін атап өтті. Іс-шаралар өткізу мерзімі мен орны кейінірек талқыланады.

Марубени өз қызметін Қаазақстанды 1993 жылдан бері жүргізуде және соңғы 20 жыл ішінде біздің елдегі бірлескен жобаларда сенімді әріптеске айналды.

2010 жылы Марубенидің басты кеңсесі Алматы қаласынан Астана қаласына көшірілді. Қазіргі сәтте Марубенидің екі кеңсесі бар: Алматыда Харассан жобалау кеңсесі және Атырау мен Астанада филиалдары бар Атырау энерго- химиялық жобалау кеңсесі.

Марубени қатысқан уран өндіру және қайта өңдеу жөніндегі үш бірлескен кәсіпорында  қазіргі сәтте мыңға жуық қазақстандық жұмыс істейді.

Компанияның қызметі ТЭН–нен бастап дайын өнімдер сатып алуға дейін, сондай-ақ ЕРС келісімшарттарын, қаржыландыруды ұйымдастыруды, сауданы, инвестицияларды қамтиды.