Мәжіліс депутаттары Ақтөбедегі әлеуметтік нысандарды бақылауда

21 Шілде, 2015 17:24

Депутаттардың өңірлерге сапары аясында Мәжіліс депутаты, «Нұр Отан» партиясы фракциясының мүшесі Әмірхан Рақымжанов жұмыс сапарымен Ақтөбе облысында болды, деп хабарлайды палатаның баспасөз қызметі.

Онда халық қалаулысы Ардагерлер кеңесінің өкілдерімен, облыстық мәслихат депутаттарымен, сондай-ақ мемлекеттік мекеме басшыларымен кездесті. Ә.Рақымжанов жиналғандарға Мәжілістің қызметі мен заң шығармашылығы туралы айтып берді.

Аймақта ол «100 мектеп, 100 аурухана» бағдарламасы аясында 320 орындық облыстық көпбағытты аурухананың жұмысымен танысты. Әлеуметтік нысандардың жұмыстарымен танысу шарасы «Достық» су спорты түрлері орталығы мен үшқабатты «Айлин» балабақшасында жалғасты. Балабақшаның жалпы көлемі 3 714,6 шаршы метр. Ең соңғы үлгімен салынған ғимараттың автономды тарнсформатор стансасы мен қазандығы бар. Бұдан соң депутат «Қолжетімді баспана-2020» бағдарламасы бойынша салынған «Ақтөбе Сити» шағын ауданында болып, мектеп пен балабақша құрылысының барысымен танысты.

Халық қалаулысы осы облыстың «Алға» ауданында да болып, 60 орындық Бесқопы орта мектебінің құрылысымен танысып, жаңғырту бағдарламасы бойынша жөндеу жұмыстары жүргізілген үйлерде болды. Онда тұрғындармен де жүздесіп, бағдарламаның тиімді жақтары туралы әңгімілесті. «Қолжетімді баспана-2020» бағдарламасы бойынша «Алға» ауданында 4 екіқабатты үй салынған. Пәтерлер бюджет қызметкерлері мен әлеуметтік жағынан аз қамтылған отбасыларға бөлініп берілді.

Ә.Рақымжанов Қандыағаш қаласының медициналық мекемелерімен де танысып, ондағы дәрігерлермен медициналық қызметтің сапасы жөнінде тілдесті. Сондай-ақ қаладағы өзге де бірқатар әлеуметтік нысандарды аралады.

Барлық жаңалықтар