ШҚО-да қазақстандықтардың азаматтық сәйкестігін қалыптастыру мәселелері талқыланды
Хабарламадан мәлдім болғанындай, аталмыш шараға Батыс Қазақстан облысының Азаматтық альянсы бастамашы болған. Талқылауға Қазақстан халқы Ассамблеясы ҮЕҰ, бизнес-құрылымдар мен облыстың қоғамдық бірлестіктерінің жетекшілері қатысқан.
Талқылау барысында «Мәңгілік ел» патриоттық актісін жүзеге асыруға, ҚХА-ның «Үлкен отбасы-үлкен мемлекет» жобасына, азаматтық сәйкестікті нығайтуға бағытталған «Менің елім» ұлттық жобасына, Жалпыға ортақ Еңбек Қоғамы идеясын жүзеге асыру жобасы мен «Нұрлы болашақ» жобасына қатысты мәселелер қаралды.
«Төртінші институционалды реформаны жүзеге асыру ісі толығымен Қазақстан халқы Ассамблеясына жүктелген. Егер біздің еліміздің әрбір азаматы өзін елінің патриоты және азаматы сезінетін болса және олар өз елі мен Отанының тағдыры үшін жауапкершілікті мойнына арта алатын болса, бұл азаматтық сәйкестік. Біз Қазақстанның әрбір азаматы «Мен қазақстандықпын» мен мақтанышпен айтуы үшін олардың елде еркін, ыңғайлы әрі қауіпсіз өмір сүруі үшін қолдан келгіннің барлығын жасауымыз керек»,-деді облыстық ҚХА төрағасының орынбасары Ғайса Қапақов.
Айта кетейік, бүгінгі таңда БҚО-да 600 үкіметтік емес ұйым тіркелген. Кездесу барысында мемлекеттік тіл саясатына, биліктің азаматтық қоғаммен байланысы, Ассамблеяның үкіметтік емес ұйымдармен бірлескен жұмыстарына қатысты мәселелер де талқыланды.
«Тәуелсіздік жылдарында біз этникааралық мүдделердің тепе-теңдігін сақтауды үйрендік және ол азаматтық сәйкестікті нығайтудың діңгегі болып табылады. ҮЕҰ-дың рөлі бұл мәселеде өте жоғары, алайда, бұған тек үкіметтік емес ұйымдар ғана емес, Ассамблея өкілдері мен бүкіл мемлекет халқының түгел қатысуы маңызды»,-деді «БҚО Азаматтық Альянсының» атқарушы директоры Ғамал Түзелбаев.
