ҚР ІІМ 2015 жылдың бірінші жартысы бойынша жедел қызмет көрсету жұмысын қорытындылады
Кеңесте жыл басынан бастап күшіне енген жаңа Қылмыстық, Қылмыстық-процестік және Қылмыстық-атқару кодекстерінің жаңа нормаларын қолдану практикасының жай-күйі қаралды.
Алқа мүшелері Төтенше жағдайлар комитеті қызметінің басым бағыттары және оның аумақтық бөліністерінің ішкі істер органдарымен өзара іс-қимылы талқыланды.
Алқада профилактикалық жұмысты жетілдіру, әкімшілік полицияның қоғамдық тәртіпті қорғау қызметінің сапасын арттыру және әкімшілік құқық бұзушылықтар туралы кодекстің жаңа нормаларын қолдану мәселелері көтерілді.
ІІМ алқасында ішкі істер, қылмыстық-атқару жүйесі және төтенше жағдайлар департаменттерінің бірқатар басшалары сөз сөйледі.
Оқу-жаттығудың негізгі мақсаты қауіп-қатер төнген және төтенше жағдайлар туындаған кезде, сондай-ақ түзеу мекемелеріндегі тәртіпсіздіктерді жою кезінде қоғамдық қауіпсіздікті қорғауда Қазақстан Республикасының мемлекеттік органдарының күштері мен құралдарының дайындығын тексеру болып табылды.
Оқу-жаттығуға полицияның, Ұлттық ұланның және қылмыстық-атқару жүйесінің күштері мен құралдары жұмылдырылды, алдарына қойылған міндеттерін шешуде іс-қимыл жасауда реттілік пен үйлестірушіліктің жоғары деңгейін көрсетті.
Жалпы оқу-жаттығу жеке құрамның кәсіби дағдысын және экстремалдық жағдайларда полицейлер мен әскери қызметшілердің психологиялық дайындығын пысықтауға мүмкіндік берді.
Оқу-жаттығуға ІІМ орталық аппаратының және Ұлттық ұланның басшылық құрамы, аумақтық ішкі істер, қылмыстық-атқару жүйесі және төтенше жағдайлар департаменттерінің, сондай-ақ Алматы қаласының, Алматы және Жамбыл облыстарының ішкі істер органдарының жеке құрамы қатысты.
