Қостанай облысында «Баталы» стансасы-«Варваринское» АҚ жалпыға ортақ емес темір жол бағыты ашылды

Аталған жобаның мақсаты – «Баталы» стансасынан «Варваринское» АҚ-на дейін темір жол бағыты арқылы рудалар, тауарлы-материалдық құндылықтар мен концентратты тасымалдау болып табылады. Темір жол бағыты арқылы руда тасымалдау рудаларды алыс аймақтардан жеткізуге әрі «Варваринское» АҚ зауытын қайта өңдеу хабі ретінде пайдалануға мүмкін береді.

«Полиметалл» кәсіпорынның Бас директоры Виталий Несистің айтуынша, «Варваринское» АҚ-ы ірі компаниялардың бірі, сол себепті оның басты мақсаты  - шикізатпен тұрақты қамтамасыз ету. Күзде «Тобыл» ӘКК» АҚ арқылы жаңа кенішке геологиялық барлау жұмыстары жүргізіледі. Аталған бөлікте жылдық тасымал көлемі 500 мың тонна руда, 50 мың тонна тауарлы-материалды құндылықтар, 42 тонна мыс концентраты болады.  

«Варваринское» темір жол стансасы жанар-жаған май материалдарын қабылдау үшін салынған. Онда сонымен қатар өзге де тауарларды сақтайтын қоймалар бар. «Жоба 100 пайыз өзінің жеке қаржысы есебінен қаржыландырылды»,-делінген хабарламада.