Б.Сағынтаев Қырғыз Республикасының экономика министрімен ауыл шаруашылығы тауарларын жеткізу саласында ынтымақтастықты кеңейту мәселелерін талқылады
21 Шілде, 2015 10:39
Үкімет үйінде ҚР Премьер-Министрінің Бірінші орынбасары Бақытжан Сағынтаев Қырғыз Республикасының экономика министрі Олег Панкратовпен келіссөздер жүргізді, деп хабарлады ҚР Премьер-Министрінің орынбасары.
Кездесу барысында екі жақты қарым-қатынастағы, сондай-ақ Еуразиялық экономикалық одақ форматындағы түрлі мәселелер көтерілді. Бақытжан Сағынтаев Қазақстан қырғыз әріптестеріне ЕАЭО-қа қосылуда методологиялық, техникалық және қаржылай көмек көрсетуді жалғастыратынын айтып өтті.
Тараптар қазақстандық-қырғызстандық мемлекеттік шекарадағы санитарлық-карантиндік, ветеринарлық-санитарлық және карантиндік фитосанитарлық бақылауды (қадағалауды) алып тастау мәселесін талқылады.
Бұдан өзге, Бақытжан Сағынтаев пен Олег Панкратов екі елдің Инвесторлар кеңесін құру, Қазақстанға қырғыз ауыл шаруашылығы тауарларының экспортын арттыру мүмкіндігін, көлік, су шаруашылығы қызметі, туристік бағыттарды дамыту салаларындағы мәселелерді қарады.
