Шетелде тәжірибе жинақтаған қазақстандықтар ИДМ-не жұмысқа тартылады

20 Шілде, 2015 20:34

Инвестициялар және даму министрлігі шетелде тәжірибе жинақтаған қазақстандықтарды жұмысқа тартпақшы. Бұл туралы ОКҚ-де өткен брифингте Инвестициялар және даму министрі Әсет Исекешев мәлім етті.

«Бізге шет мемлекеттерде жұмыс істеп келген, ағылшын тілін білетін, ашық та тиімді жұмыс істеуге дайын азаматтар керек. Министрлік ведомствоға барлық кадрлардың келуіне қашанда ашық болатын, бізде өзіміз оқуға жіберген 50-ге жуық «Болашақ» түлектері бар, тағы 34-і әлі білім алуда. Біз 2015 жылдың 1-қыркүйегінен бастап, кез-келген адамның мемлекеттік қызметке келе алуы үшін біздің барлық бөлімшелеріміз барлық вакансияларды министрліктің сайтында алдын ала жариялайтын болады деп шештік. Бізге еркін ойлы азаматтар мен білікті мамандар қажет»,-деді ведомство басшысы.

Оның сөзінше, ведомствоның құрылмын өзгерту жоспарланып отыр.

«Біз құрылымды өзгертіп, жалақы төлеу принципін қайта қарауды жоспарлап отырмыз. Бұның барлығы қазір талқылануда. Осының барлығы да қазір расымен де білікті мамандарды тарту үшін қажет болып отыр, соның ішінде шет мемлекеттерде жұмыс істеп жүрген біздің әріптестеріміз бен жерлестерімізді де»,-деді Ә.Исекешев.

Барлық жаңалықтар