Ақтөбеде «Қазақстанның үздік тауары» республикалық көрме байқауының жеңімпаздары белгілі болды

21 Шілде, 2015 09:07

Ақтөбеде өткен «Қазақстанның үздік тауары» республикалық көрме байқауының сараптау комиссиясы үш номинацияда байқаудың жеңімпаздары мен дипломанттарын айқындады6 деп хабарлады облыстың ішкі саясат басқармасы.

«Өндірістік мақсаттағы үздік тауарлар» номинациясында «Ақтөбе хром қосылысы зауыты» АҚ жеңімпаз атанды. «Халыққа арналған үздік тауарлар» номинациясында 1-ші дәрежелі дипломды «Құрылыс жаңа ғасыр» ЖШС алды. «Новоальджанский мелькомбинат» ЖШС «Үздік азық-түлік тауарлары» аталымы бойынша 1-ші орын алды.

Барлық жүлдегер кәсіпорындар Астанада өтіп жатқан «2015- Қазақстанның үздік тауары» республикалық көрме байқауына қатысады.

Еске салсақ, байқау Қазақстан Республикасы Президентінің «Алтын сапа» сыйлығын алуға арналған конкурс және «Қазақстанның үздік тауары» республикалық көрме-конкурсы туралы» 2006 жылғы 9 қарашадағы № 194 Жарлығына сәйкес жүргізілуде. Мақсаты - жеке және заңды тұлғалар қызметін жандандыру, Қазақстан нарығын жоғары сапалы, бәсекеге қабілетті өніммен толықтыру, халық арасында сапа идеясын насихаттау.

Барлық жаңалықтар