• Басты
  • Ортақ тарих пен мәдениет базалық құндылықтары негізінде Қазақстан халқының сәйкестігі мен бірлігі нығаяды (Видео)

Ортақ тарих пен мәдениет базалық құндылықтары негізінде Қазақстан халқының сәйкестігі мен бірлігі нығаяды (Видео)

20 Шілде, 2015 17:08
«100 нақты қадам» бағдарламасын жүзеге асыру аясында Қазақстан халқының сәйкестігі мен бірлігін жаңа деңгейге көтеру міндеті қойылып отыр. Ортақ тарих пен мәдениет сияқты базалық құндылықтар республика халқының сәйкестігі мен бірлігін нығайтады. ҚР Президенті жанындағы «Қоғамдық келісім» РМК-ның директорының орынбасары Ғазиз Телебаев Strategy2050.kz ақпарат агенттігінң тілшісіне берген сұхбатында осындай ойымен, бөлісті.

«ҚР Президентінің «100 қадамында» төртінші бөлімнің барлығын түгелдей сәйкестік мәселесіне арнағандығы өте маңызды. Өйткені, сәйкестік Қазақстан үшін де өзге елдер үшін де өте маңызды. Қазақстан үшін маңызды болатын себебі ел халқының 90 пайыздан астамы өз тағдырын Қазақстанмен байланыстырады. Олар өздерін осы елдің азаматы санайды. Олар өздерінің тағдырларын осы мемлекетпен байланыстырып отыр»,-деді Ғ.Телебаев.

Оның сөзінше, елдің дамуы мен тұрақтылығы үшін осы сәйкестікті дамыту керек.

«Бұл бір рет берілді және болашақта ылғи да осылай бола береді деген сөз емес. Өмірге жаңа толқын келіп жатыр және біз түрлі, қауіптермен бетпе-бет келіп отырмыз. Бұл туралы Президент те талмай айтып келе жатыр, бұл сыртқы және ішкі қатерлер. Сол себепті сәйкестікті ұдайы жетілдіріп отыру керек»,-деді ол.

«Біз тәуелсіздігіміздің 20 жылдан астам уақытынан бері ел азаматтарының басым бөлігі өз тағдырын Қазақстанмен байланыстырады деп айтып жүрміз. Енді біз өзіміздің сәйкестігіміздің бұрынғыдан да тереңдетуіміз керек. Барлығы өздерін Қазақстан азаматы, бір елдің тұрғыны, бауырлар сияқты сезінулері керек»,-деді Ғ.Телебаев.  

Қоғамдық ұйым өкілінің сөзінше, ортақ тарих пен мәдениет сияқты базалық құндылықтары негізінде сәйкестік пен Қазақстан халқының бірлігі дамиды.  

«Үлкен мемлекет –үлкен отбасы» деген түсінік бар, ал отбасы деген не ? Отбасы деген туысқандық қатынастар. Мұндай жобалардың мәні неде? Біз осындай бірлікті сезінуіміз керек. Ол тек бір елдің азаматы ретінде азаматтық деңгейде ғана болмауы керек, біз өзіміздің ортақ тарихымыз, ортақ мәдениетіміз, ортақ құндылықтарымыз, ертең еліміздің халқының барлығы сөйлейтін ортақ мемлекеттік тіліміз бар екендігін сезінуіміз керек. Сонда ғана халықтың сәйкестігі, Қазақстан халқы деген сәйкестік нығаяды»,-деді «Қоғамдық келісім» мекемесінің директорының орынбасары.  

Анар Тәңірқұлова

 

 

Барлық жаңалықтар