Қазақстан мен Сингапур екі ел арасында тікелей әуе қатынасын ашу мүмкіндігін талқыланды

20 Шілде, 2015 17:24

Сингапур Республикасында Қазақстан Республикасы мен Сингапур Республикасының авиациялық билік органдар арасындағы келіссөздер өтті, деп хабарлады ҚР Инвестициялар және даму министрлігі.

Қазақстан Республикасы Инвестициялар және даму министрлігінің Азаматтық авиация комитетінің төрағасы Б. Сейдахметов басқарған делегациясының құрамында ҚР Азаматтық авиация академиясының ректоры және «Эйр Астана» авиакомпаниясының мен «Казаэронавигация» РМК-ның өкілдері болды.

«Келіссөздер барысында, Қазақстан Республикасының Президенті бастаған «100 нақты қадам» Ұлттық жоспарындағы 73-ші қадамды іске асыру мақсатында (Астана қаласын елдің қаржы орталығы ретінде әлемдік қаржы орталықтармен тұрақты әуе қатынастар арқылы байланыстыру) Қазақстан мен Сингапур арасындағы тікелей әуе қатынасын ашу мүмкіндігі талқыланды», - делінген хабарламада.

Сонымен бірге, келіссөздер барысында рейстердің жиілігін ұлғайту (аптасына 2-ден 7-ге дейін), бар Әуе қатынасы туралы келісімге өзгерістер енгізу (Авиациялық қауіпсіздік және Ұшу қауіпсіздігі баптары) және код-шер ынтымақтастығы бойынша уағдаластықтарға қол жеткізілді.

Сонымен қатар, іс-сапар барысында қазақстандық делегациясы Сингапур Авиация академиясына барып, Қазақстанның авиациялық саласының және авиациялық әкімшіліктің мамандарын оқыту және олардың мамандығын жетілдіру бойынша ынтымақтастық мәселелерін талқылау үшін Академияның директорымен кездесуді өткізді.

Сингапур Авиация академиясы мен «Казаэронавигация» РМК (Кәсіби даярлау орталығы) арасындағы авиациялық саласының мамандарын оқыту және олардың мамандығын жетілдіру бойынша ынтымақтастығы туралы Меморандумға қол қою мүмкіндігін қарастыруға келісілді.

Барлық жаңалықтар