Отбасына қатысты кешенді мемсаясатты жүзеге асыру ұлттық комиссияның басты мақсаттарының бірі – сарапшы

«Әйелдер ісі және отбасылық-демографиялық саясат жөніндегі  ұлттық комиссия – консультациялық-кеңесші орган болып табылады. Оның басты мақсаттарының бірі – комиссия саясатының басымдықтарын анықтауда кеңестер әзірлеу, отбасына қатысты мемлекеттік саясатты қалыптастырып оны жүзеге асыру. Соңғы уақытта балалар мен жасөспірімдер және оларға төніп тұрған қауіп-қатерлер БАҚ, қоғамдастық пен құқық қорғау органдары өкілдерінің басты назарында тұрған тақырыптардың біріне айналуда.  Балаға деген тым қатаң көзқарас олардың саяси, идеологиялық және экоономикалық құрылымына қарамастан барлық елдерде бар. Ұлттық комиссия балаларға қатысты проблемаларды әлеуметтік мәселе ретінде қарастырады»,-деді С.Айтпаева.  

Ұлттық комиссия өкілдері ғалымдар, әйгілі қоғам қайраткерлері, орталық және жергілікті мемлекеттік органдардың, жастар мен қоғамдық және ата-аналар ұйымдардың өкілдерінің қатысуымен, рухани-адамгершілікті даму, жүктілік, бала тәрбиесі, асыраушысынан айырылған балаларға патронат-тәрбиеші болу сияқты өзге де көптеген мәселелер бойынша,  еліміздің 14 өңірінде 24 кездесу өткізген. 

Бұған қоса, биылғы жылдың мамыр айында, барлық өңірлерде кәмелетке толмағандардың ісі жөніндегі комиссиялардың отырыстары өткізіліп, онда балаларға қатысты заңға қайшы әрекеттерді сауықтыру мәселесі талқыланды.

Жалпы алғанда, елде жүзеге асырылып жатқан шаралар балаларға қатысты заңсыз әрекеттер мен зорлық-зомбылықтардың алдын алуға ықпал етеді.  

Ботагөз Айтжанова