Б.Сағынтаев Сочиде өтетін Қазақстан мен Ресей өңіраралық ынтымақтастығының XII форумына дайындық мәселелері жөнінде кеңес өткізді
20 Шілде, 2015 15:52
Үкімет үйінде ҚР Премьер-Министрінің Бірінші орынбасары Бақытжан Сағынтаевтың төрағалық етуімен Қазақстан мен Ресей өңіраралық ынтымақтастығының XII форумын өткізу мәселелері бойынша кеңес өтті, деп хабарлады ҚР Премьер-Министрінің ресми сайты.
Аталған форум осы жылы 16 қыркүйекте екі ел Президенттері Н.Назарбаев пен В.Путиннің қатысуымен Сочи қаласында өтеді. Шараның басты тақырыбы агроөнеркәсіптік кешен және азық-түлік қауіпсіздігін қамтамасыз ету саласындағы ынтымақтастық болды.
«Форум аясында «агроөнеркәсіптік кешен саласындағы ресейлік-қазақстандық ынтымақтастық перспективалары» атты мамандандырылған көрме, дөңгелек үстелдер, қазақстандық-ресейлік іскерлік кеңес отырысы, жастар форумын өткізу жоспарлануда», - делінген хабарламада.
Кеңес қорытындысы бойынша Бақытжан Сағынтаев мемлекеттік органдарға форумға дайындық бойынша ұсыныстар өңдеуді жеделдетуді тапсырды.
