ҚТЖ рефрижераторлы вагондардың жыл бойына жүруін қамтамасыз етті

21 Шілде, 2015 08:51

Рефрижераторлы контейнерлерді алғаннан кейін «Қазақстан темір жолы» ұлттық компаниясы контейнерлік пойыздардың жыл бойына тұрақты жүруін қамтамасыз етті. Ерекше температуралық жағдайда қажет ететін жүктер жыл бойына темір жол арқылы жеткізілетін болды және олар теңіз жолына қарағанда жеделірек тасымалданады»,-деп хабарлайды «ҚТЖ» ҰК» АҚ-ның баспасөз қызметі.

«ҚТЖ» ҰК» акционерлік қоғамының еншілес кәсіпорны «KTZExspress» акционерлік қоғамы Қытайда шығарылған жүк көтеру қуаты 27 тоннаны құрайтын 45-футты 200 дана контейнерлерді сатып алды. Олар автоматты түрде температураны сыртта 50-50 градус болған жағдайда ішкі температураны 20-20 градус істеп ұстап тұра алады.

«Біздің «Чуницин-Дуйсбург» бағытында жүретін контейнерлік пойыз құрамындағы рефрижераторлық контейнерлерде қыс мезгілінде әйгілі «Hewlett-Packard» компаниясының компьютерлік техникалары тасымалданды. Өткен жылдың қазанынан бастап, биылғы жылдың наурызы аралығында «Hewlett-Packard» компаниясының өнімдері салынған жүктер 190 рет рефрижераторлық контейнерлерде тасымалданды. Ал сәуір айы мен осы уақытқа дейін Еуропа-Қазақстан-Қытай бағытында 150 контейнер азықтүлік жөнелтілді»,-деді «KTZ Exspress» АҚ-ның департамент директоры Жаслан Хамзин.

Қазір жүкетрдің дұрыс сақталуына үлкен маңыз беріліп отыр. «Әскерилендірілген темір жол күзеті» АҚ-ның өкілдерімен бірлесіп, тасымалданатын жүктердің дұрыстығын қадағалайтын жедел топ құрылды. «KTZ Exspress» АҚ-да Қытай-Еуропа-Қытай бағытында жүретін контейнерлерге тәулік бойғы мониторинг жұмыстары жүргізілуде. Бұл іске жер серігі қызметі мен жүк қауіпсіздігімен қамтамасыз етумен айналысатын өзге де қызметтер қатыстырылуда.

Барлық жаңалықтар