Мәжілістегі «Нұр Отан» фракциясының мүшелері жұмыс сапарымен өңірлерді аралауда

Мәжіліс депутаттары Светлана Ферхо мен Александр Милютин Семей қаласына барды.

Жұмыс сапары барысында депутаттар «Қарағайлы» шағын ауданының жаңа жоспарымен танысты, салынып жатқан «Назарбаев Зияткерлік» мектебіне барды.

Жұмыс сапары әлеуметтік саланың қызметкерлерінің кездесуімен жалғасты – мұғалімдер, денсаулық сақтау қызметкерлері, қаланың әлеуметтік мекеме өкілдері.

ҚР Парламент Мәжілісінің депутаты Светлана Ферхо мен Светлана Романовская «Нұр Отанның» қалалық филиалында азаматтарды қабылдады. Депутаттарға жәрдемақы, зейнетақы, жер учаскелері, жұмысқа орналасу саласында сұрақтар қойылды.

Кездесу барысында «Бақытты балалық» партиялық жоба аясында депутаттар жетім балаларға: Галина Андриенко, Әмина Шариповаға «Болашаққа үлес қосамыз» акциясы аясындағы сертификаттарды табыстады.

«Аталмыш акция елдің барлық аймақтарында өтуде. Сапалы білім беру – кәсібилік өсім мен жақсы өмір сүрудің кепілі. Балалар – біздің болашағымыз», - деді Айгүл Нұркина.

Сондай-ақ, ШҚО-ға іс-сапармен келген ҚР Парламенті мәжілісінің депутаттары Светлана Ферхо және Светлана Романовская облыстық ІІД қызметкерлерімен кездесті. Елбасының 5 институционалды реформасын іске асырудағы 100 нақты қадамын түсіндіру жұмысымен келген халық қалаулылары заңда күтіліп отырған өзгерістермен таныстырып өтті.