А. Исекешев: Индустрияландыру саласындағы реформалар инвестициялық шарттарды жетілдіруге бағытталған

20 Шілде, 2015 13:57

Реформа – экономикалық өсім мен индустрияландыру – инвесторларды тарту үшін Қазақстанда тиісті шарттарды жетілдіруге бағытталған, деді Инвестициялар және даму министрі Әсет Исекешев Орталық коммуникациялар қызметінде өткен баспасөз мәслихатында.

«Мемлекет басшысы 5 институционалды реформа мен оларды жүзеге асыруға арналған 100 нақты қадамды жария етті, әрбір реформа бойынша жұмыс тобы бекітілді. Біздің министрлікке түрі басымдықтар бойынша бірнеше қадам бекітілген. Әлемдік экономикада 2007-2009 жылдар аралығында орын алған дағдарыс кезінде Мемлекет басшысы Қазақстанды индустрияландыру жөніндегі стратегиялық шешім қабылдады, алғашқы бесжылдықта экономиканы әртараптандырудың негізі қаланды»,-деді Ә.Есекешев.

Оның сөзінше, XXI ғасырда Еуразия экономикалық дамудың қуатты полюстерінің бірі болады.

«Қазір жаңа экономика қалыптасып келеді, ал Қытай мен Ресейдің үлкен нарықтарының арасында тұрған Қазақстанның логистикалық, көліктік және инвестициялық орталық атану мүмкіндігі туып отыр. Осы мақсатта Мемлекет басшысы мемлекеттік қызмет пен сот жүйесінің сапасын арттыратын, Қазақстанның үздік халықаралық стандарттар негізінде жұмыс істейтін елге айналдыратын 5 реформаны жариялады. Реформа - экономикалық өсім мен индустрияландыру өңірде инвесторларды тарту үшін шарттарды қалыптастыруға бағытталған»,-деп қосты министр.

Ботагөз Айтжанова

Барлық жаңалықтар