ИИДМБ аясында Қарағанды облысында ШОБ саласы бойынша 10 жоба мақұлданды

Айта кетейік, мақұлданған жобалардың ішінде «Азимут геология» ЖШС-нің «Геологиялық барлау жұмыстарын жүргізу үшін құрылғылар мен арнайы техникаларды сатып алу», «Қоғамдық моншалар» ЖШС-нің «Қоғамдық монша құрылысы» жобаларын ерекше атауға болады.  

Егер бірінші жоба оны жүзеге асырған кәсіпорынға айтарлықтай пайда әкеліп, геологиялық бақылау жұмыстарының көлемі тиімді болса (35-40 пайызға), екінші жобаны жүзеге асыру Теміртау қаласы тұрғындарының көпшілігін қанағаттандырады (тәулігіне 500 адам). «Бұл мұндай кең көлемде адам қабылдауға арналған моншаның соңғы 20 жылда алғаш рет салынуы»,-деді «Қоғамдық моншалар» ЖШС-нің директоры Әнуар Ахметжанов.    

«Ал геологиялық барлау жұмыстарын жүргізу жобасына келетін болсақ, несиенің пайыздық үлесінің көлемін субсидиялау бөлігі бойынша мемлекеттік қолдаудың арқасында бізде қосымша 15 жұмыс орнын ашып, жұмысшылардың айлық жалақыларын көтеріп, бюджетке төленетін төлемдерді уақытында әрі көбірек жүзеге асыруға мүмкіндік туып отыр»,-деді «Азимут геология» ЖШС-нің директоры Рахат Мұстафин.   

Облыс жоспарында сонымен қатар, Ақтоғай ауданындағы Ақтоғай ауылында «Мейманхана құрылысы» туристік жобасын жүзеге асыру шарасы бар. 

Республиканың бағдарламалық құжаттардың барлығында көрініс тапқан туризм нысандарын сапалы дамыту мәселесінің өзектілігін ескерсек, аталған жоба Ақтоғай ауылынан 60 км жерде орналасқан «Қызыларай алқабы» таулы-орманды оазисінде саяхатшыларға арналған ыңғайлы жағдайлар қалыптастыруға ықпал етеді.