• Басты
  • Қазақстанның қазіргі тарихын ел Президентінің рөлінсіз елестету мүмкін емес – сарапшы (Видео)

Қазақстанның қазіргі тарихын ел Президентінің рөлінсіз елестету мүмкін емес – сарапшы (Видео)

20 Шілде, 2015 11:29
Қазақстанның қазіргі тарихын ел Президентінің рөлі мен оның тұлғасынсыз елестету мүмкін емес, деді «Нұрсұлтан Назарбаев: билік басындағы адам» атты кітаптың авторы тарих ғылымының докторы, профессор Бүркітбай Аяған Strategy2050.kz ақпарат агенттігінің тілшісіне берген эксклюзивті сұхбатында.

«Нұрсұлтан Назарбаев: билік басындағы адам» атты кітап шығару ісі ұзақ уақыттан бері ойда жүрген болатын. 1990 жылы мен ғылым кандидаты болатынмын, сол уақытта «Н.Назарбаевтың саяси портреті» атты мақала жаздым. Мен ол кезде Мемлекет басшыларының портреттерін жазумен әуестеніп жүрген болатынмын. Олардың арасында Б.Ельцин және өзгелер бар. Кәсіби тарихшы ретінде мені қазіргі Қазақстанның тарихы қызықтырады»,-деді Б.Аяған.     

Оның сөзінше, қазіргі Қазақстанның тарихын Мемлекет басшысының рөлі мен тұлғасынсыз елестету мүмкін емес.

«Осыдан 7 жыл бұрын «Нұрсұлтан Назарбаев –тәуелсіз мемлекеттің негізін қалаушы» атты кітап шықты. Бұл жоба менің жетекшілігімен жүзеге асырылған еді. Ал «Нұрсұлтан Назарбаев: билік басындағы адам» атты кітапты біз профессор Алима Ауанасовамен бірге осыдан 3 жыл бұрын бастаған болатынбыз. Мен үшін кітапта тек Елбасының өмірінің тек жекелеген жақтарын ғана емес, Президенттің жас кезінен бастап, тұлға ретіндегі қалыптасу тарихын қамту маңызды болды. Мен ол кісі өсіп-өнген, жұмыс кәсібіне үйренген одан Орталық Партия комитетінің хатшысы болған Теміртауда болдым. Н.Назарбаев 40 жасында Қазақстанның Министрлер кеңесінің төрағасы болған»,-деді Б.Аяған.     

Естеріңізге сала кетейік, жуырда тарихшы профессорлар Бүркітбай Аяған мен Алима Ауанасованың «Нұрсұлтан Назарбаев: билік басындағы адам» атты Елбасының өмірі мен қызметіне арналған кітаптың таныстырылымы жасалды.

Ботагөз Айтжанова

Барлық жаңалықтар