ҚР ҚМ 10 және 30 жылдық еурооблигация шығару жөніндегі мәмілені аяқтады
Қазақстан Республикасы Үкіметінің атынан Қазақстан Республикасының Қаржы министрлігі Орта мерзімді ноталар бағдарламасы шеңберінде Reg S/ 144 А форматы бойынша 4 млрд. АҚШ доллары сомасында 10- және 30-жылдық еурооблигация шығару жөніндегі мәмілені аяқтады.
Шығарылым 2,5 млрд. АҚШ доллары сомасында өтеу мерзімі 2025 ж. облигациялардан, және 1,5 млрд. АҚШ доллары сомасында өтеу мерзімі 2045 ж. облигациялардан тұрады. Шығарылымға Moody's шәкілі бойынша Baa2, S&P шәкілі бойынша ВВВ және Fitch шәкілі бойынша BBB+ рейтингі берілді. Шығарылым ұйымдастырушылары ретінде Citi, JP Morgan, Kazkommerts Securities және Halyk Finance шықты.
Орналастырудың алдында ағымдағы жылдың 24 маусымынан 30 маусымы аралығында Нью-Йоркте, Бостонда, Лос-Анджелесте және Лондонда Қаржы, ұлттық экономика министрліктерінің және Қазақстан Республикасы Ұлттық Банкінің өкілдері командасының роудшоуы өтті.
Шығарылым бойынша мәміле 300-ден аса инвесторларды тартты, ал өтінімдер кітабы шамамен 10 млрд. АҚШ долларын құрады. Сонымен қатар, 4 млрд. АҚШ доллары сомасында шығарылым кезінде сұраныс ұсыныстан 2 есеге асып түсті. Бұл шетелдік инвесторлардың Қазақстан тәуекелін оң бағалауын көрсетеді. Одан басқа, Греция борыштық проблемасы мен Иран ядролық бағдарламасы бойынша келіссөздер аясындағы ұзақ белгісіздіктен кейінгі осындай ірі көлемнің алғаш орналастыру болып табылады.
Қазақстан Республикасының Қаржы министрлігі өтімді қисық кірістілікті құра отырып, тәуелсіз еурооблигацияларды бағдарламалық орналастыруды жалғастыруда. Бұл шығарылым Қазақстандық корпоративтік эмитенттер үшін алдағы уақытта бағалық бағдарды белгілейді.
Тартылған қаражат экономикалық өсуді қолдауға бағытталған контрциклдық фискалды саясат шеңберінде даму бағдарламаларын іске асыруға бағытталған республикалық бюджет тапшылығын қаржыландыру мақсатында пайдаланылды.
