Қарағанды облысының ішкі бақылау қызметінің өкілдері мемлекеттік аудитке көшу мәселесін талқылады
20 Шілде, 2015 12:33
Қарағанды облысының атқарушы органдарының ішкі бақылау қызметінің басшылары мен мамандары мемлекеттік аудит пен қаржылық бақылауға көшу мәселесін талқылады, деп хабарлайды облыс әкімдігінің баспасөз қызметі.
Қаржы министрлігінің Қаржылық бақылау комитетінің сапаны бақылау мен үйлестіру басқармасының өкілі Д.Құрманғалиева атқарушы орган қызметтерінің барлық бағыттарын қамтитын мемлекеттік аудит пен қаржылық бақылауға көшудің негізгі бағыттары жөнінде айтып берді.
Оның сөзінше, бұл мемлекеттік бақылау органдарының өкілдеріне бюджеттік бағдарлама әкімшілерінің жұмыстарын жетілдіріп, оларға тиісті кеңестердің уақытында әрі сапалы берілуіне, олқылықтарды анықтап, ескертуге, қаржыны басқару мен бақылау қызметіндегі жаңалықтарды жедел енгізуге ықпал етеді.
Қарағанды облысының Қаржылық бақылау инспекциясы бөлімінің жетекшісі Б.Әубәкіровтың ақпаратында бақылау көрсеткіштері бақылау шараларының барысында орын алған кемшіліктер көрсетілген.
