Қазақстандық десантшылар мықтылар атағы үшін күресте бақ сынайды

18 Шілде, 2015 15:03

Биылғы жылдың 20 тамызы күні Қапшағайда десанттық биатлон басталады. 32363 әскери бөлімі бірнеше күн бойы ауқымды жарыс өтетін орынға айналмақ, деп хабарлады Қорғаныс министрлігі.

Атап айтсақ, үздік атақ үшін күресте ҚР Қарулы Күштерінің бетке ұстар парашютті-десанттық (десантты-шабуылдау) бөлімшелері сынға түседі. Десанттық биатлонға 32363, 18404, 61993, 12740, 29108 әскери бөлімдерінің әскери қызметшілері қатысады.

Жарыстың бағдарламасына сәйкес десант парашюттерін төсеу, бағдарлау және әскери топография (күндізгі уақытта көздеу аралығы бойынша жүріс), әскери-медициналық даярлық бойынша бірнеше тексерілген нормативтерін тапсыру қажет. Сонымен бірге өздерінің кәсіби білімдері мен жауынгерлік ептілігін көрсетпек. Жауынгерлер берілген аумаққа десант түсіреді.

Ұйымдасқан жиыннан және берілген тапсырманы алғаннан соң шартты радиациялық, химиялық зақымдалған аймақтарды игере отырып жаяу шеру, жауынгерлік атысты орындап, түнгі рейд, сондай-ақ қиылысқан жерлер мен таулы аймақтар бойынша шеру жасайтын болады. Үндістан Қарулы Күштерінен келетін Халықаралық дәрежедегі тәуелсіз бақылаушылар жарыс барысын қадағалап отырады.

Барлық жаңалықтар