• Басты
  • Қазақстанның Қарулы Күштері оқу-жаттығу дабылы бойынша көтерілді
17 Шілде, 2015 20:31

Қазақстанның Қарулы Күштері оқу-жаттығу дабылы бойынша көтерілді

Бүгін Қазақстанның Қарулы Күштері және басқа әскери құралымдары дабыл бойынша көтерілді, деп хабарлайды әскери ведомствоның баспасөз қызметі.
Қазақстанның Қарулы Күштері оқу-жаттығу дабылы бойынша көтерілді

ҚР Қорғаныс министрі Иманғали Тасмағамбетовтің жеке бақылауымен еліміздің әскери басқару органдары мен Қарулы Күштер әскерлерінің жауынгерлік әзірлігі іске асырылды.

Іс-шараны ауқымды орындау үшін Республикалық жедел штаб құрылған болатын. Қарулы Күштерден қару-жарақтармен және әскери техникалармен қатар жеке құрамнан 500-ден астам адам, сондай-ақ берілген ауданға біріккен күштер мен заттарды жөнелту үшін ҚР ҚК ӘҚК Әскери-әуе күштерінен әскери-көліктік авиация тартылды.

Оқу-жаттығу дабылы – «Әлеуметтік сипаттағы төтенше оқиғалар туындаған кезде мемлекеттік органдардың өзара іс-қимылы» оқу-жаттығуының бөлігі болып саналады. Аталған іс-шара елімізде төтенше жағдайлардың қауіп төнгенде және туындаған кезде жинақталған іс-қимыл, бірыңғай жұмыстарға мемлекеттік органдардың қабілеттілігі мен даярлық деңгейін арттыру мақсатында өткізіледі.

Барлық жаңалықтар