Ерейментауда құрылыс материалдарын өндіретін цех ашылды
17 Шілде, 2015 20:01
Ерейментау қаласында құрылыс материалдарын және темір бетон өнімдерін өндіретін цех ашылды, деп хабарлады облыс әкімдігінің баспасөз қызметі.
«Цех «KAZ ARMS» ЖШС қорғаныш бас киімін (шлем) өндіру бойынша болашақ фабрикасының базасында ашылған. Кәсіпорын бір мезетте құрылыс материалдары мен темір бетон өнімдерін шығаратын болады», - делінген хабарламада.
Цехты іске қосу Ақмола облысының әкімі Сергей Кулагиннің қатысуымен жүзеге асырылды. Өңір басшысы мұндай өндіріс орындарының ауылдық жерлерде ауадай қажеттілігін оның өңірдің әлеуметтік-экономикалық дамуына жағымды әсерін атап өтті.
Бұл жерде пескоблоктар, поребриктер, бөренелер, бордюрлер, гүлзар қоршаулары шығарылатын болады. Жоба құны шамамен 97 млн. теңге, цехпен бірге 27 тұрақты жұмыс орны ашылатын болады.
