Астанада «Үлкен ел – үлкен отбасы» қайырымдылық акциясы өтті

17 Шілде, 2015 16:51

«Астана қаласының өзбек этномәдени орталығы» қоғамдық ұйымы ҚХА және Қазақстанның діни мұсылмандар басқармасының қолдауымен «Әл-Ғани» мешітінде «Үлкен ел-үлкен отбасы» қайырымдылық акциясын өткізді, шара Ораза айт мейрамына орай ұйымдастырылды.

Қайырымдылық акция қазақстандық бірлік пен бейбітшіліктің нығаюына бағытталған.

«Бүгін барша қазақстандықтар үшін ерекше күн – Ораза айт. 30 күн рамазаннан кейін адамдар бір-біріне жақсылық тілейді. Бұл жерде тек тамақ, судан тыйылу емес, адамдардың ойлары, жан –дүниесі арам пиғылдардан таза болуы керек. Айт мейрамында сол жақсылық сыртқа шығып барлығына жақсылықпен тарайды. Әр түрлі дін мен ұлттардың өкілдері бұл энергияны сезінеді деп ойлаймын», - деді ҚР Президенті жанындағы «Қоғамдық келісім» РМБ директорының орынбасары Ғазиз Телебаев.

Айта кетерлігі, акция аясында дәстүрлі өзбек тәсілімен күріш басылды. Қайырымдылық акцияға Астана қаласы әкімдігінің өкілдері, этномәдени ұйымдардың жетекшілері, БАҚ өкілдері қатысты.

Анар Тәңірқұлова

Барлық жаңалықтар