Корея дәрігерлері ШҚО-ның 800 тұрғынына медициналық көмек көрсетті (Фото)
17 Шілде, 2015 18:24
Волонтерлік қызмет көрсету аясындағы меморандум бойынша Кореяның бір топ дәрігерлері 6 күнге Қазақстанға келіп, 800 адамға медициналық көмек көрсетті, деп хабарлады ШҚО ақпараттық орталығы.
Хабарланғандай, ШҚО тұрғындары отбасылық мамандар мен дәрігерлерге қаралды.
ШҚО-да Енсе Университетінің «Кангнам Северанс» клиникасының дәрігерлері 3 күнінін өткізді. Олар өздерімен бірге УЗИ, биохимиялық қан сараптамасы, ЭКГ аппараты, ЭХО, көп мөлшердегі медикаменттер тегін атаратылды. Өскеменде 150 адам, Қатан-қарағай ауданында – 200 адам, Үлкеннарымда 300 адам қаралды.
Айта кетерлігі, Қатон-Қарағай ауданында корейлік дәрігерлер 5-6 жастағы екі баланы таңдап алды, оларға клиника есебінен тегін ота жасалады.
Қазіргі таңда оларды «Кангнам Северансқа» шақыру жоспралануда.
