Каспийде Қазақстан Әскери-теңіз күштерінің әскери кемелері атыс көрістетті (Фото)

17 Шілде, 2015 17:52

Теңізге шығу, қалқып жүрген миналарды зақымдау, кемедегі артиллериялық қондырғыларды қолдану арқылы теңіз бетінде атыс – бұлардың бәрі «Каспий теңізі – 2015» теңіз биатлонына дайындық үстіндегі қазақстандық «Қазақстан», «Орал» және «Сарыарқа» зымыранды-артиллериялық кеме экипаждарының жаттығуы, деп хабарлады Қорғаныс министрлігі.

Біздің әскери теңізшілер атап айтсақ, жауынгерлік атысқа ерекше көңіл бөлуде, себебі теңіз биатлонында Түркіменстан, Ресей және Әзербайжанның үздік мергендерімен сайысатын болады. Сонымен қатар қазақстандық су үсті әскери кеме экипаждары және теңіз жаяу әскерлерінің бөлімшелері алдағы байқаудың басқа да бағыттары бойынша белсенді жаттығулар жүргізіп жатыр.

Олар теңіз маңында жүзу, су бетіндегі қауіп, 30-40 метрге қайықты қою, МСС-65 Халықаралық қосалқы дабылына сәйкес жарық және ту арқылы дабыл белгіні беру және қабылдау жұмыстарын пысықтады. Естеріңізге сала кетсек, «Каспий теңіз – 2015» - бұл Каспий маңы елдерінің Әскери-теңіз күштері арасындағы бірінші жарыс. Ол биылғы жылы жазда Каспийдің ресейлік акваторияларында өтеді.

Теңіз биатлонында отандық «Қазақстан», «Орал», және «Сарыарқа» зымыранды-артиллериялық үш кеме экипажы, сондай-ақ теңіз жаяу әскерлерінен құралған бригада ел намысын қорғайтын болады.

Барлық жаңалықтар