• Басты
  • Жезқазған мен Балқаш өңірлерінде металлургтерді ұлықтауда

Жезқазған мен Балқаш өңірлерінде металлургтерді ұлықтауда

17 Шілде, 2015 12:23
Металлургтер күні Қазақстандағы ең ірі,әрі ертеден келе жатқан мыс қорыту зауыттары бар, «Kazakhmys Smelting» ЖШС корпорациясының бөлімдерінде орналасқан Жезқазған және Балқаш аймақтарында кеңінен өткізіледі, деп хабарлады компанияның баспасөз қызметі.

Жезқазған мен Балқаш қалаларында мыс қорыту зауыттарының еңбегі сіңген жұмысшыларына құрмет көрсетіп, салтанатты жиындар және түрлі спорттық жарыстар өткізіледі.Бұған қоса Балқаш қаласында жергілікті маңызы бар Ванюков пешінің іске қосылғанына 30-жыл толған мерейтойына арналған салтанатты жиын өткізіледі. Екі қаланың алаңдарында да дәстүрге айналған Қазақстан және шетел эстрада жұлдыздарының қатысуымен мерекелік концерттер өткізіліп, соңы мерекелік шашумен аяқталады.

Қазақмыс корпорациясындағы металлургтердің алар орыны ерекше маңызды. Жезқазған және Балқаш мыс қорыту зауыттарының орама мыс шығару мен құю-механикалық цехтары жоғарғы сапалы өнімді кешенді түрде шығара алатын өндіріс орындары. 2015 жылдың алғашқы жартыжылдығында 144 мың 350 тонна катод мысы, 530 тонна күкірт қышқылы және 4 мың 570 тонна шаң түріндегі қорғасын өндірілді.

«Біздің зауыттарымызда бес мыңға таяу металлургтер еңбек етеді. Компания өндірістері компанияда еңбек етіп жатқан озаттар мен жылдар бойы қалыптасқан ұрпақ жалғастығы арқасында тұрақты да өнімді жұмыс істеуде. Қазақмыс компаниясы өндіріс қуатын молайтуды жетілдіру бағдарламасын дамыта түседі, оның ішінде жаңа технологияларды, келешекте төменгі сапалы кенді өңдеуге мүмкіндік беретін гидрометаллургияны енгізу жұмыстары жүргізілуде. Металлургтерге ғаламат еңбектері үшін рахмет айта отырып, зор денсаулық тілеймін. Еңбек қауіпсіздігін сақтай отырып, жаңа еңбек белестерін бағындыратындарына сенемін» – деп аяқтады өз сөзін «Қазақмыс корпорациясы» ЖШС бас директоры Бақтияр Қрықпышев.

 

 

 

Барлық жаңалықтар