Қызылордада ауыз су беруді қайта жаңғырту үшін 3 млрд теңге бөлінді
17 Шілде, 2015 11:34
Қызылорда қаласындағы ауыз су және кәріз су жүйелерін, ғимараттарды қайта жаңғырту және кеңейтудің үшін 3 млрд. 958 млн. 49 мың теңге бөлінді, деп хабарлады облыс әкімдігі.
Осы уақытқа дейін қала тұрғындарының басым бөлігі тиісті технологиясына сәйкес арнайы сүзгілер арқылы тазартылатын Сырдария өзенінің суын пайдаланып келсе, бүгінгі таңда жер асты суларын пайдалануға қарқынды жұмыстар жүргізілуде.
Бұл мақсатта, «Қызылорда қаласындағы ауыз су және кәріз су жүйелерін, ғимараттарды қайта жаңғырту және кеңейтудің 2015 жылға дейін» жобасы бойынша 2013 – 2014 жылдар аралығында барлығы 3 млрд. 958 млн. 49 мың теңгеге құрылыс монтаждау жұмыстары жүргізілсе, 2015 жылы бұл жұмыстарға 3 млрд. 617 млн. 279 мың теңге қаржы қаралған.
