• Главная
  • Қазғарыш басшысы «Алексей Леонов» медалімен марапатталды
17 июля, 2015 10:03

Қазғарыш басшысы «Алексей Леонов» медалімен марапатталды

Қазақстан Республикасының Инвестициялар және даму министрлігі Аэроғарыш комитетінің (Қазғарыш) төрағасы Талғат Мұсабаев «Алексей Леонов» күміс медалімен марапатталды, деп хабарлады ведомствоның баспасөз қызметі.
Қазғарыш басшысы «Алексей Леонов» медалімен марапатталды

Аталып өткендей, Мәскеу қаласындағы жұмыс сапары шеңберінде Қазғарыш басшысы Талғат Мұсабаев кеңестік «Союз-19» ғарыш кемесі мен американдық «Аполлон» ғарыш кемесі түйісуінің 40 жылдық мерейтойына арналған салтанатты жиынға қатысты.

Аталған салтанатты шараға «Роскосмос» мемлекеттік корпорациясының, ғарыш саласындағы ресейлік және шетелдік ұйымдар мен кәсіпорындардың өкілдері, таяу және алыс елдердің елшілері, Ресей Федерациясы мемлекеттік органдарының бірінші басшылары мен басқа да құрметті қонақтар қатысты, олардың арасында американдық астронавт Томас Стаффорд та болды.

Халықаралық ғарышнама тарихындағы атаулы оқиғаның қарсаңында Т.Мұсабаев Кемеров облысының губернаторы Аман Төлеев бекіткен «Алексей Леонов» күміс медалімен марапатталды.

Қазғарыш төрағасына осы жоғары награданы мерейтойлық медальдің иесі, аты аңызға айналған ғарышкердің өзі табыстады.

Осындай наградалармен кеңес ғарышкерлері Георгий Гречко мен Алексей Елисеевтер де марапатталды.