Қазақ хандығының 550 жылдығына арналып, «Дешті-Қыпшақ. Құпия белгілер» атты деректі фильм түсірілді
«Тархиқа жүгіну салмақты шешім, өйткені тарих өткелдерінде біздің халқымыз мен оның мәдениетінің орнын, оның алдында қандай міндет тұрғандығын білу қажеттілігі туындайды. Қазақ хандығының 550 жылдығы аясында фильм тарихтың аз қамтылған беттері «Дешт-и-Қыпшақ» туралы баяндайды. Мәдениет және спорт министрлігінің қолдауының арқасында Арменияға сапар ұйымдастырылып, онда армян шрифті мен қыпшақ тілінде жазылған қолжазбалармен танысудың мүмкіндігі туды, содан соң біз қыпшақ жазбаларына арналған «Codex Cumanicus» ескерткіші сақталған Италияға аттандық»,-деді сценаридің авторы және режиссер Бақыт Қайырбеков ОКҚ-де өткен баспасөз мәслихатында.
Фильмнің бірінші бөлімі Құдайды қыпшақ атауымен Тәңір деп атаған түсініктер кездесетін армяндар мен қыпшақтардың арасында орнаған тығыз қарым-қатынастарға арналды. Екінші бөлім, сол кезеңдегі әйгілі ақындардың бірі Франческа Петрарка 1362 жылы венециандық кітапханаға тапсырған, кейінірек, әулие Петр шіркеуінде сақталып келген теңдесі жоқ «Codex Cumanicus» кітабына арналады.
Деректі фильм Мәдениет және спорт министрлігінің тапсырысы негізінде Ш.Айманов атындағы «Қазақфильм» киностудиясында Қазақ мәдениет ғылыми-зерттеу институтының демеуімен түсірілген.
Режиссердің сөзінше, жобаны жүзеге асыруға 11 млн теңге жұмсалған, фильм қазақ ағылшын және орыс тілдерінде дайындалған.
«Биылғы жылдың тамыз айында Вашингтон мен Нью-Иоркте аталған фильм мен Қазақ хандығының 550 жылдығына арналған өзге де бірқатар деректі фильмдердің таныстырылым өтеді»,-деді Қазақ мәдениет ғылыми-зерттеу институтының Бас директоры Андрей Хазбулатов.
Ботагөз Айтжанова
