• Басты
  • Қазақстан Бутан Корольдігін ЭКСПО-2017 көрмесіне қатысуға шақырды (ФОТО)
16 Шілде, 2015 17:14

Қазақстан Бутан Корольдігін ЭКСПО-2017 көрмесіне қатысуға шақырды (ФОТО)

ҚР Президентінің арнайы өкілі, Сыртқы істер министрінің орынбасары Асқар Мусинов Бутан Корольдігіне сапары шеңберінде Премьер-министр Тшеринг Тобгаймен кездесті, деп хабарлады ҚР СІМ.
Қазақстан  Бутан Корольдігін  ЭКСПО-2017 көрмесіне қатысуға шақырды (ФОТО)

Кездесу барысында А. Мусинов сұхбаттасына ҚР Президенті Нұрсұлтан Назарбаевтың Бутан Королі Джигме Кхесар Намгьял Вангчукке 2017-2018 жж. БҰҰ Қауіпсіздік кеңесінің тұрақты емес мүшелігіне ҚР-дың кандидатурасын қолдауы жөніндегі жолдауын табыс етті.

Арнайы өкіл Бутан Премьер-министрін Қазақстанның БҰҰ ҚК-не сайлануының дәйектері, атап айтқанда, өңірлік және халықаралық тұрақтылық пен қауіпсіздікті күшейтудегі үлесі, соның ішінде қарусыздандыру және ядролық қаруды таратпау жолындағы және елдің көпжақты дипломатия саласында белсенді қызметтері туралы ақпараттандырды.

Сұхбаттастар түрлі салалардағы екіжақты қатынастардың болашағын талқылады. ҚР СІМ басшысының орынбасары туризм, білім беру, мәдениет және спорт салаларындағы ынтымақтастықты дамыту мақсатында екі ел арасында жоғары деңгейдегі сапарларды ұйымдастыру мүмкіндігін қарастыруды ұсынды.

А. Мусинов Т. Тобгайды Қазақстандағы қазіргі әлеуметтік-экономикалық жағдайы, «Нұрлы жол» жаңа экономикалық саясат бағдарламасы туралы ақпараттандырды. Атап айтқанда, елдің жақын арадағы қоғамдық-саяси және әлеуметтік-экономикалық өмірін зор өзгертетін Елбасы жариялаған бес институционалдық реформаның негізгі тезистеріне түсінік берілді.

Елдің сыртқы саяси бағытын қозғай келе, А. Мусинов Қазақстанның Азиядағы өзара ықпалдастық және сенім шаралары жөніндегі кеңесін (АӨСШК) құру бастамасы жөнінде хабардар етіп, Бутанды осы форумға қосылуға шақырды. Бутан АӨСШК өңір елдері арасындағы диалогтың танылған тұғырнамасы ретіндегі қызметіне қызығушылык танытты.      

Сонымен қатар, қазақстандық дипломат Бутан басшылығы мен компанияларын 2017 жылы Астанада өтетін «ЭКСПО» халықаралық мамандандырылған көрмесіне қатысуға шақырды.

Сол күні Бутан Корольдігі Сыртқы істер министрінің бірінші орынбасары Тшеринг Доржимен кездесу өтіп, екіжақты және көпжақты ынтымақтастықты дамыту мәселелері талқыланды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды