Болгарияда ҚР Консулдығының уақытша кеңсесі ашылды
16 Шілде, 2015 19:01
Бургас қаласында (Болгария) жазғы мезгілге ҚР Консулдығының уақытша кеңсесі ашылды, деп хабарлады ҚР СІМ.
Қара теңіз жағалауындағы Бургас шығанағының қасында орналасқан Бургас курорт қаласы Болгарияның София, Пловдив және Варнадан кейінгі ірі қалаларының қатарына кіреді. Тарихы және мәдениеті бай бұл мекенге жыл сайын мыңдаған туристер келіп тұрады.
Қазақстанның Пловдив қаласындағы Құрметті консулдығы жазғы мезгілге Бургас қаласында уақытша кеңсесін ашады. Кеңсе Қазақстан азаматтарының құжаттары жоғалған жағдайда болу елінің құзырлы мекемелерімен байланыс орнату, тиісті анықтамаларды алдырту және оларды аудару бойынша тәжірибелік көмек көрсетеді.
