Қарағанды облысының мемлекеттік қызметкерлерінің «Қазтест» жүйесі бойынша мемлекеттік тіл білімі бағаланады
16 Шілде, 2015 15:57
Қарағанды облысында мемлекеттік қызметтерді ұсынатын мемлекеттік қызметкерлер мен ұйым қызметкерлері арасында сертификацияланған және «Қазтест» жүйесі бойынша диагностикалық тестілеуді өткізуге дайындық барысы қаралды, деп хабарлады облыс әкімдігінің баспасөз қызметі.
Аймақ басшысы Нұрмұхамбет Әбдібеков атап өткендей, жүзеге асырылу барысы қатаң бақылауға арналған 10 мемлекеттік бағдарламалардың бірі тілдерді дамыту және жұмыс істеу бағдарламасы болып табылады.
«Бұл әр азаматтың мүддесіне қатысты болғандықтан өте қиын сұрақ. Мұнда халық арасында насихаттау жұмыстарын күшейту керек», – деді Н. Әбдібеков.
Өңір басшысы барлық қалалық және аудандық әкімдіктерге, жалпы жауаптыларға 2016-2020 жылдары «Қазтест» жүйесі бойынша тест тапсыру кестесін жасақтауды және оның орындалуын қамтамасыз етуді тапсырды.
