ОҚО билігі аймақтардағы мектептерді оқулықтармен қамтамасыз ету мәселесін шешуде

16 Шілде, 2015 15:42

ҚР білім және ғылым министрлігі 15 шілде күні Шымкент қаласында мектептерді оқулықтар және оқу-әдістемелік құралдарымен қамтамасыз ету (ОӘҚ) мәселесін шешу үшін жедел кеңес өткізді, деп хабарлады ведомствоның баспасөз қызметі.

ОҚО Жастар ісі және тілдерді дамыту басқармасының басшысы А.Елчиеваның айтуынша, жалпы өндірісті қаржыландыру және оқу құралдарын мектептерге жеткізу құны 3 050 274 мың теңгені құрап отыр.

Облыстық мәслихат отырысында барлығы 14 аудан мен қала мектептерін оқулықтармен қамтамасыз ету үшін қосымша қаржы бөлу туралы шешім шығарылды, қазіргі күні бұл мақсатқа 2 316 307 мың теңге бөлінген. Жергілікті атқарушы органдары оқулықтармен қамтамасыз ету үшін қосымша қаржы бөлу мәселесін ағымдағы жылдың 20 шілдесіне дейін шешуді жоспарлап отыр.

Білім саласы бақылау комитенің төрағасы Саят Нюсупов атап өткендей, метептерді оқулықтармен қамтамасыз ету мәселесіне жергілікті атқарушы органдар заң жүзінде жауапты.

«Министрліктің жоспары бойынша ағымдағы жылдың 20 тамызына дейін еліміздегі барлық мектептер оқулықтармен және оқу-әдістемелік құралдарымен қамтамасыз етіледі. ҚР Білім және ғылым министрі бұл мәселені жіті бақылауда ұстап отыр», – деді С.Нюсупов.

Аталып өткендей, Шымкентте өткен шұғыл отырысқа ҚР БжҒМ-ның шақыртуымен отандық ірі баспаханалардың өкілдері шақырылып, олармен жетіспейтін оқулықтарды басып шығару туралы келісім шарт жасалды. Атап айтқанда, баспахана өкілдері оқулықтарды кепілдік негізде өздерінің резервтік қорынан қарызға беруге дайындығын білдірді.

Барлық жаңалықтар