Жастардың ТҮРКСОЙ камералық хоры Чехияда өнер көрсетті (ФОТО)

Еуропа мәдениеті-2015 астанасы Пльзень қаласында Пльзень аймағының гейтманы Вацлав Шлайспен кездесу өтіп, оның барысында тараптар мәдени-гуманитарлық ынтымақтастық пен Чехияның ТҮРКСОЙ елдерімен байланыс мәселелерін сөз етті..  

Жақында ғана құрылған жастардың камералық хорының сапары ТҮРКСОЙ аясындағы жас таланттардың қасиеттерін дамытуға бағытталған үлгі ісі болды деуге болады. Пльзень қаласына сапары барысында халықаралық хор өкілдері еуропалық мәдениет астанасының ең үлкен алңдарының бірінде өнер көрсетті. 

Прагаға сапары барысында Чехияның ұлттық театрының орталық алаңында жастар камералық хорының концерті өтті, хор құрамы Әзірбайжан, Қырғызстан, Ресей (Татарстан) мен Түркия сияқты 32 халық өкілдерінен құрылған болатын. Қойылым өте қызықты әрі тартымды өтті. Халықаралық және чехиялық көрермендер оны өте үлкен қызығушылықпен тамашалап, түрік халықтары мәдениетінің әралуанды, бай екендігіне көз жеткізді.   

Қазақстанның Прагадағы елшілігінде баспассөз мәслихаты өтіп, онда Л.Қасейінов ТҮРКСОЙ қызметі туралы айтып берді және бұқаралық ақпарат құралдары өкілдерінң сауалдарына жауап берді.

Бас хатшы онда ұйымның көпсалалы қызметі тек мәдени байланыстарды ғана арттырып қоймай, түрік халықтарының тарих, мәдениет, әдебиет, өнер салаларындағы кешенді ғылыми зерттеулерінің дамуына да ықпал ететіндігін атап өтті.   

Д.Қасейіновтың сөзінше, ТҮРКСОЙ Түрік кеңесімен, Түрік академиясымен, Түрік мәдениеті мен өнері қорымен  үйлескен түрде ЮНЕКСО, ИСЕСКО сияқты халықаралық ұйымдармен бірге бірлескен жобаларды жүзеге асырады.