Алматыда Қазақстан-Иран іскерлік форумы өтеді
15 Шілде, 2015 20:18
2015 жылдың 22-24 арасында Алматыда «Инновациялық парк технологиясы» арнайы экономикалық аймағында Қазақстан-Иран іскерлік форумы ұйымдастырылады, деп хабарлады Инновациялық компаниялар қауымдастығы.
Айта кетейік, Исламдық Иран Республикасының инновациялық экожүйесінің негізгі қатысушыларымен тығыз қарым-қатынас орнату мақсатында 2014 жылы «Инновациялық технологиялар паркі» ЕЭА мен «Хорасан «Ғылыми-технологиялық паркі» арасында меморандум түзілді.
Меморандум аясында 2015 жылдың 22-24 шілдесінде Алматыда «Инновациялық технологиялар паркі» Арнайы экономикалық аймақта Қазақстан-Иран іскерлік форумы өтеді.
Форум ғылыми және білім беру ұйымдары, өндірістік кәсіпорындардың өзекті мәселелерін талқылайтын алаңға айналады. Форум аясында ұйымдастырылған көрмеде қазақстандық және ирандық компаниялардың технологиялық әзірлемелері көрсетіледі.
