ШҚО-ның мектеп оқушылары өздерінің бизнес жобаларын дамыту бойынша сарапшылардан кеңес алды

15 Шілде, 2015 17:59

ШҚО-ның мектеп оқушылары SAGE Kazakhstan 2015 ұлттық чемпионаты аясында өздерінің бизнес жобаларын дамыту бойынша халықаралық сарапшылардан кеңес алды, деп хабарлады облыстың Ақпараттық орталығы.

Ұлан ауданының М. Ломоносов атындағы мектептің 9-10 сынып оқушылары өз жобаларын таныстырып қана қоймай, Астана мен АҚШ, Италиядан келген сарапшылардан кеңес алды.

Астанада жастар арасында бизнес-көшбасшылықты дамыту аясында мектеп оқушылары арасында бизнес жобаларын қорғау бойынша SAGE Kazakhstan 2015 алғашқы ұлттық чемпионат өтті.

Қазақстанда бұл жоба «Атамекен» ҚР ҰҚП және ҚР БҒМ бастамасымен жүзеге асырылып отыр.

Елордада өткен чемпионатта ШҚО-дан келген оқушылар «Қолдан тоқылған өрнектелген жібек кілемшелері» жобасын таныстырды, ол өз кезегінде тәжірибелі кәсіпкерлер мен халықаралық сарапшылардың қызығушылығын тудырды. Қатысушылар жоба тұжырымдамасы бойынша сарапшылардың барлық сұрақтарына жауап берді.

«Біз оқушыларды болашақтада кәсіпкерлікпен айналысуға тартып келеміз. Осылайша олар жаңа дүниелерді біліп, білімдердің толықтыруда», деп атап өтті «Атамекен» ҚР ҰКП әлеуметік сала және әлеуметтік серіктестік көмитетінің төрағасы Талғат Доскенов.

Айта кетерлік жайт, SAGE білім беру бағдарламасы АҚШ, Ұлыбританияда, Канадада, Бразилияда, Қытайда, Филиппинде, Украина мен Ресейде, Оңтүстік Кореяда, Нигерияда, Оңтүстік Африкада және енді Қазақстанда жүзеге асырылуда.

Барлық жаңалықтар